ଧର୍ମେନ୍ଦ୍ର ପ୍ରଧାନଙ୍କ ବିଷୟରେ କିଛି- ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ଓ ଛାତ୍ର ସଂସଦ ନିର୍ବାଚନରୁ ସାମାଜିକ ଜୀବନ ଆରମ୍ଭ କରିଥଲେ ଧର୍ମେନ୍ଦ୍ର ପ୍ରଧାନ ।
ଏବିଭିପିର ରାଷ୍ଟ୍ରୀୟ ସମ୍ପାଦକ ତଥା ଓଡିଶାର କୋଣ – ଅନୁକୋଣର କଲେଜ କ୍ୟାମ୍ପସ ବୁଲି ସଫଳ ଛାତ୍ର ସଂଗଠକ ଭାବେ ନିଜକୁ ପ୍ରତିଷ୍ଠିତ କରିଥିଲେ ।
୨୦୦୦ ମସିହାରେ ପାଲଲହଡାରୁ ବିଧାନସଭାକୁ ନିର୍ବାଚିତ ହୋଇ ଶ୍ରେଷ୍ଠ ବିଧାୟକ ଉକ୍ରଳ ମଣି ପ୍ରତିଭା ସମ୍ମାନରେ ସମ୍ମାନିତ ହୋଇଥିଲେ ।
୨୦୦୪ରେ ଦେବଗଡ ଲୋକସଭା ଆସନରୁ ନିର୍ବାଚିତ ହୋଇଥିଲେ ।
୨୦୧୨ ମସିହାରେ ପ୍ରଥମ ଓଡିଆ ଭାବେ ବାହାର ରାଜ୍ୟରୁ ରାଜ୍ୟସଭାକୁ ନିର୍ବାଚିତ ହେବାର ରେକର୍ଡ ତିଆରି କରିଥିଲେ ।
ଆଗରୁ ଧର୍ମେନ୍ଦ୍ର ଦଳୀୟ କାମରେ ଯୁବ ମୋର୍ଚାର ରାଷ୍ଟ୍ରୀୟ ଅଧ୍ୟକ୍ଷ, ପାର୍ଟୀର ରାଷ୍ଟ୍ରୀୟ ସମ୍ପାଦକ, ସାଧାରଣ ସମ୍ପାଦକ ଦାୟିତ୍ୱ ତୁଲାଇଛନ୍ତି ।
ଛତିଶଗଡ ନିର୍ବାଚନ, ଝାଡଖଣ୍ଡ, କର୍ଣାଟକ, ବିହାର, ଉତରାଖଣ୍ଡ ଆଦି ରାଜ୍ୟର ସଂଗଠନ ଓ ନିର୍ବାଚନ ପରିଚାଳନା କରିଛନ୍ତି ଧର୍ମେନ୍ଦ୍ର ।
୨୦୧୪ ଲୋକସଭା ନିର୍ବାଚନରେ ବିହାରରେ ବଡ ସଫଳତା ତଥା ୨୦୧୭ ଉତରାଖଣ୍ଡ ନିର୍ବାଚନରେ ଦଳ ପାଇଁ ଦୁଇ ତୃତୀୟାଂଶ ଆସନ ବିଜୟର ଶ୍ରେୟ ଧର୍ମେନ୍ଦ୍ର ପ୍ରଧାନଙ୍କ ପାଖକୁ ଯାଏ ।
ସଫଳ ସଂଗଠକ, ରାଜନୈତିକ ରଣନୀତିକାର, ନିର୍ବାଚନ ପରିଚାଳନା ତଥା ପ୍ରଶାସନିକ ଦକ୍ଷତା ସହ ସରକାରୀ ବିଭାଗ ପରିଚାଳନା କ୍ଷେତ୍ରରେ ତାଙ୍କର ଦକ୍ଷତାକୁ ସାରା ଦେଶରେ ସ୍ୱୀକୃତି ମିଳିଛି । ଗତ କିଛି ଦଶନ୍ଧି ମଧ୍ୟରେ ଓଡିଶାର ରାଜନେତା ମାନଙ୍କ ମଧ୍ୟରେ ଧର୍ମେନ୍ଦ୍ର ପ୍ରଧାନ ଜଣେ ସଫଳ ବ୍ୟକ୍ତିତ୍ୱ ଭାବେ ଉଭା ହୋଇଛନ୍ତି ।
୨୦୧୭ ମସିହାରେ ପ୍ରଥମ ଓଡିଆ ଭାବେ ବାହାର ରାଜ୍ୟରୁ ୨ୟଥର ମଧ୍ୟ ପ୍ରଦେଶ ରୁ ରାଜ୍ୟସଭାକୁ ନିର୍ବାଚିତ ହେବାର ରେକର୍ଡ ତିଆରି କରିଥିଲେ ।
ମାତ୍ର ୪୮ ବର୍ଷ ବୟସରେ କେନ୍ଦ୍ର କ୍ୟାବିନେଟରେ ଦୁଇ- ଦୁଇଟି ଗୁରୁତ୍ୱପୂର୍ଣ୍ଣ ବିଭାଗ ମିଳିବାରେ ସେ ପ୍ରଥମ ଓଡିଆ।
ଜନ୍ମ ଦିନର ଅନେକ ଅନେକ ଶୁଭେଚ୍ଛା।
Site Title 